الثلاثاء 16 أبريل 2024

أنغام تحكي تفاصيل موجعة عن طفولتها: لزقت نفسي في الحيطة واتاخدت منه!

موقع أيام نيوز

حلت الفنانة أنغام ضيفة على برنامج AB TALKS، وتحدثت خلال اللقاء عن أصعب المواقف في طفولتها.

وقالت: "اتعلمت الموسيقى وأنا عندي 6 سنين وطريقة تعليمي كانت قاسېة، وكنت بلعب بيانو وأنا صوابعي متكسرة من البرد وساعات نومي قليلة، ولكنه كان مسئولية كبيرة".

وأضافت: "بشوف نفسي محظوظة، ولكن البيت مكنش أسعد حاجة مكناش الأسرة السعيدة، وكانوا بيتعاملوا معايا على إني كائن فاهم وكنت بشيل حاجات ومكنتش عايزة أشيلها، وجزء من المعاناة، وأمي كانت طفلة من جواها وعلى الحياة اللي كانت فيها".

وواصلت: "أنا استوعبت أمور وأنا طفلة مكنتش عايزه استوعبها، أب وأم مش سعداء مع بعض، والأم أكتر مكنتش سعيدة كانت مقهورة ومش محبوبة كفاية من الراجل، وده بينعكس على الطفل اللي في البيت".

وأكملت: "عمري ما أنسى أول مره أبويا مد ايده على أمي، وأنا كنت بحب أبويا في طفولتي بشكل هستيري، هما في اليوم ده معرفوش يداروا، لزقت نفسي في الحيطة وهو كان جاي يسلم عليا قولتله لأ متسلمش عليا، زعلت جدًا علشان أمي واتاخدت منه وشوفته شخص تاني".