ياسمين عبد العزيز تكشف عن محاولتها الإنجاب من أحمد العوضي

موقع أيام نيوز

كشفت الفنانة ياسمين عبد العزيز لأول مرة عن محاولتها للإنجاب من زوجها السابق أحمد العوضي وخضوعها لعملية جراحية في منطقة الرحم الأمر الذي تسبب في أزمتها الصحية الأخيرة.
ياسمين عبد العزيز وحلم الإنجاب من أحمد العوضي
وأكدت ياسمين عبد العزيز خلال حوارها مع الإعلامية إسعاد يونس في برنامجها صاحبة السعادة المذاع على قناة DMC أنها خضعت لعملية إزالة أكياس تكيس المبايض من رحمها في محاولة منها للإنجاب.
وقالت ياسمين عبد العزيز أنا دخلت أعمل عملية إزالة الأكياس من الرحم علشان أحمل ولأول مرة أقول الكلام ده أنا قبل ما أحمل كان لازم أشيل الأكياس ودا اللي حصل لما خلفت بنتي وابني.



وتابعت قائلة أنا بعد مسلسل اللي مالوش كبير مع أحمد العوضي كنت متفقة معه أني أحمل فدخلت أعمل العملية وحصلت الغلطة الطبية وكنت ھموت فيها وربنا كتب لي عمر جديد.
ياسمين عبد العزيز حب الناس ليا من عند ربنا
واستكملت ياسمين عبد العزيز معلقة على حب الناس الذي تلقته خلال مرورها بالأزمة الصحية منذ أكثر من عام قالت حب الناس مش شطارة مني أنا شايفاه حاجة من ربنا هو اللي سخر الناس أنها تدعى ليا ربنا هو كان شايف أن في أذية أكبر من كده تحصل ليا هو أو كان عايز يوصل ليا حاجة الموضوع في إيد ربنا.


وتابعت قائلة لو نسيت اللي حصل بفكر نفسي بيه تاني وأقول لنفسي فوقي فاكره لما كنتي ھتموتي فأكره شكلك كان عامل ايه كان أكثر موقف صعب مر عليا أنا قعدت في السرير 4 شهور.
أزمة ياسمين عبد العزيز الصحية
وأضافت عن أزمتها الصحية لما قررت أسافر برة أكمل العلاج أنا سافرت لوحدي وكان معايا بنتي بس وأحمد جه بعد كدا لأن بسبب إجراءات استخراج الفيزا للبلد لما سافرت أنا وبنتي وقتها حسيت إن ربنا عايز يوصل ليا حاجة اللي هو إنتي لسه خارجة من مسلسل مكسرة الدنيا وشهرة كل ده ولا حاجة أنا اللي باقي ليكي.


وأردفت ياسمين عبد العزيز قائلة حتى لما كنت في الغرفة بعد ما علمت 6 عمليات جراحية 4 منهم في مصر و في البلد اللي سافرت إليها كان أمام غرفتي جبل كنت أقول سبحان الله بعد كل ده أنا لوحدي وبعد الموقف ده بقيت قريبة من ربنا ومش فارق معايا أي حد غير ربنا.